Les oeuvres poetiques

Soit que de vostre corps vous viviez dechargez, soit que dans la prison ou Dieu vous a logez le lien de la vie encore vous enserre, esprits de qui sa grace est l'espoir et l'appuy, jettez des cris de joye, et chantez qu'aujourd'huy la mort de vostre mort daigne naistre sur terre. Aujourd'huy le monarque et sauveur des humains fait son entree au monde, apportant en ses mains les sainctes clefs du ciel pour en ouvrir les portes : aujourd'huy le salut se presente aux perdus, le remede aux blessez, la rancon aux vendus, la voye aux esgarez, la vie aux ames mortes. a ce coup nostre chair est unie a son dieu, et les extremitez conjointes sans milieu, pour affranchir nostre ame a l'enfer asservie : a ce coup l'oeuvre mesme a produit son autheur, l'injuste prisonnier son juste redempteur, et l'arbre de la mort le doux fruit de la vie. Le voicy qui desja souffrant pour le peche plore dans une creiche ou foible il est couche, bien qu'il soit en puissance egal a Dieu son pere : car pour n'esblouir point nos yeux de sa splendeur, sous nostre petitesse il cache sa grandeur, naissant non en sa gloire, ains en nostre misere.