ئولیڤیا

ئولیڤیا ڕۆمانەکا ڕیالیزمییە، بابەتێ وێ جڤاکی و ئەڤینی یە. چیرۆکا وێ باسێ کچەکێ دکت ناڤێ وێ ئولیڤیایە، ئەڤ کچە بێ ڕەزامەندیا خوە و ژبەر ھندەک ئەگەرا، نەچار دبت بڕیارەکا نەگونجای بدت و دگەل کورێ ھەڤالەکێ بابێ خوە یێ کەڤن ژیانا ھەڤژینێ پێک بئینت. ئەو کورە ل خالێن سنوری ئەرکێ خوە ب جھدھینت و نەشێت سەردەریەکا ساخلەم پێشکێشی ژیانا ھەڤژینیێ بکت. ھەروەسا ئەوپێدڤییاتی یێن دناڤبەرا ھەر دوو رەگەزا دا وەکو سوزداری، گرنگیپێدان ، عەشق، نەشێت وەکو پێدڤی ئەرکێ وێ بجھبھینت، بتنێ وەکو کوێلەک ڕفتارێ دگەل دکت. ھەروەسا ژبلی کارێ وێ یێ ب ئەستەم وێ فرێدکت بەر کارێن دژوار وەکو چنینا زەیتونا. لێ تشتێ پتر بو وێ ئاستەنگا دروست دکت، خەزویرێ وێ یە ھەر دەمەکێ یێ سەرمەستە و ژیانا وێ يا ڕۆژانە تێکددت. دڤێ ڕۆمانێ دا پترییا کەسا ھەول ددن وێ ب دەستخوەڤە بینن یان وێ ئازار بدن. ل چنینا زەیتونا کەسەکێ دنیاست و عاشقێ وی دبت ، دیسان دکەڤت بەر پێلێن جڤاکی.