Nyota njema mawinguni

"Nyota, ambaye ni mhusika mkuu, anazaliwa na kukua katika mazingira ya kutatanisha. Rangi ya ngozi yake ambayo ni tofauti sana na ya wazazi wake inabadilisha mkondo wa maisha yake. Mkondo huo wa maisha unasawiriwa na mwandishi kwa uketo na uhondo wa lugha yenye ubunifu ili kufichua na kupiga vita maovu ya kijamii na kisiasa. Maovu hayo ambayo yamekita mizizi katika jamii ni kama ubaguzi, ugaidi, ufisadi katika ugatuzi, wizi wa mitihani na utepetevu katika uchaguzi wa haki na kidemokrasia. Uozo huu unaradana na yale madhila yanayoathiri mataifa mengi ulimwenguni."--